Светот на бизнисот е целосно променет со подемот на дигиталниот маркетинг. Дигиталниот маркетинг е актуелна тема веќе речиси една деценија. Постојат повеќе дефиниции за дигиталниот маркетинг, но може многу поедноставно и прецизно да се опише отколку да се дефинира.
Дигиталниот маркетинг е компонента на маркетингот, која ги искористува придобивките на интернетот. Односно употреба на многубројни дигитални тактики и канали за поврзување со корисниците онлајн.
Дигиталниот маркетинг вклучува многу различни форми на комуникација и се врти околу сè поголем број платформи. Но, успехот на секоја објава, видео, поткаст или реклама се сведува на два фактора: привлекување и задржување внимание. Да се привлече нечие внимание, станува сè потешко. Во денешно време секој може да направи реклама што може да се кликне, но вистински предизвик е исполнување на очекувањата и добивање реална продажба.
Затоа секој маркетинг план има своја дигитална стратегија, со која целите на маркетингот се фокусираат на тоа како бизнисот може да достигне повеќе потенцијални корисници, да ги задржи постојните и да ја зголеми продажбата. Дигиталниот маркетинг стана еден од најефикасните начини за комуникација бидејќи може да се поврзе со корисниците преку нивните омилени канали.
Бизнисите што сакаат да се издвојат на пазарот знаат дека е најважно ефективно достигнување и ангажирање со потенцијалните корисници. Ова значи користење креативни начини за поврзување со вистинските луѓе на вистинското место и испраќање привлечна порака што ќе им помогне да одлучат дали некој производ или услуга може да ги задоволи нивните потреби.