Академијата за Бизнис Аналитика нуди иновативен и современ пристап кон решавање на традиционалните бизнис предизвици, а воедно и совладување на модерните и актуални бизнис проблематики што произлегуваат од технолошки напредниот 21ви век.

Оваа програма е дизајнирана за да им овозможи на слушателите да стекнат знаење и вештини во повеќе области, како што се анализа на податоци, визуелизација на податоци, анализа на внатрешни бизнис фактори и примената на вештачка интелигенција во бизнис секторот. Дополнително, програмата нуди детално изучување на клучни сегменти како што се предвидување на бизнис трендови, оптимизација на процеси и стратешко одлучување.

Целта на оваа програма е да се објаснат најновите методи и практики кои сѐ повеќе се употребууваат во сферата на бизнис аналитика и оперативниот менаџмент, а придонесуваат за оптимизација на бизнис процесите, намалување на трошоците и целокупно подобрување на ефикасноста и работењето на бизнисите.